Kizza Besigye akamatwa na polisi Uganda

Msemaji wa chama cha Forum for Democratic Change Ssemujju Ibrahim Nganda amethibitisha kwamba mgombea urais wa chama hicho Dkt Kizza Besigye amekamatwa.

Amekamatwa akiwa eneo la Naguru, Kampala katika nyumba ambayo upinzani ulidai wizi wa kura ulikuwa ukifanyika.
Wafuasi wa upinzani, Besigye akiwemo, walitaka kukagua nyumba hiyo lakini wakazuiliwa.
Besigye alikamatwa na maafisa wa polisi walioondoka naye kutoka eneo hilo.
Haijabainika amepelekwa wapi.

• Wasifu wa Kizza Besigye

Hii na mara ya pili kwa Dkt Besigye kukamatwa wiki hii.
Jumatatu, alikamatwa alipokuwa akijaribu kupitia katika barabara moja mjini Kampala.

 

Image caption Jumatatu polisi walisema walimzuilia kumlinda

Polisi walisema hakuwa na idhini ya kupitia eneo hilo kwa mujibu wa sheria.