Uchaguzi mwezi Oktoba

Uchaguzi Ujao

Mwaka huu tutambue, mwezi wa kumi ujao,

Ujao tufikirie, uchaguzi mwezi huo,

Huo mwezi tuchague, viongozi  wafaao

Tuchague wafaao, Watanzania wenzangu.

Tatu moja Oktoba, wakumbushe na wenzao

Wenzio baba na mama, familia mkaao

Mkaao kwa maraba, hata pia rafikio,

Tuchague wafaao, Watanzania wenzangu.

Haki ya Demokrasi, waruhusiwa chaguo,

Chaguo la, kutaka uwapendao,

Uwapendao upesi, uweke tiki kwa hao,

Tuchague wafaao Watanzania wenzangu.

Ukumbusho daftari, jina lako liwe kwao,

Kwao liwekwe  vizuri, idadi wajue wao,

Wao ni wa kunakili, jina lako liwe kwao,

Tuchague wafaao, Watanzania wenzangu.

Kubwa sikizeni sera, za wote wagombeao,

Chagua ‘ahadi’ bora itayoleta mafanikio,

Msende tazama sura, pia makelele yao,

Tuchague wafaao, Watanzania wenzangu.

Raisi nambari wani, utaona picha zao,

Za wabunge majimboni, zitabandikwa na wao,

Wao pia madiwani, picha ndio tegemeo,

Yuchague wafaao, Watanzania wenzangu.

Umri nawakumbusha, kumi na nane mwanzio,

Mwanzio ukifikisha ruhusu hadi ubaoni,

Ubaoni umeshaisha, hai haupo nao,

Tuchague wafaao, Watanzania wenzangu.

Nia yangu ujulisho, mwaka unaenda mbio,

Mbio ona kama kesho, na hali mambo kibao.

Kibao ya uboresho, nini sasa tegemeo,

 Tuchague wafaao, Watanzania wenzangu.